Борбор калаада алдамчылык фактысына шектелип 64 жаштагы аял кармалды

Борбор калаада алдамчылык фактысына шектелип 64 жаштагы аял кармалды. Бул тууралуу бүгүн, 3-августта Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 1-август күнү Бишкек шаарынын 30 жаштагы И.З. аттуу тургуну кайрылган. Анда ал 2014-жылдын август айында Э. аттуу аял алдоо жолу менен 3 миң доллар акчасын алганын билдирген. Бул факт боюнча "алдамчылык" беренеси менен кылмыш иши козголгон. Жүргүзүлгөн иликтөө иштеринин алкагында кылмышка шектүү катары Чүй облусунун 64 жаштагы С.Э. аттуу тургуну кармалган. Ошондой эле кылмышка шектүүнүн дагы ушул сыяктуу бир фактыга тиешеси бар экени аныкталган. Учурда бул факт боюнча тергөө амалдары жүрүүдө.

Автор: Мальвина Уметбекова