Боом капчыгайында оор жүк ташуучу 2 автоунаа сүзүштү

Бишкек-Балыкчы трассасынын 120-чакырымында (Боом капчыгайы) оор жүк ташуучу Хово жана ЗиЛ автоунаалары сүзүштү. Өзгөчө кырдаалдар министрлиги 6-августта билдиргендей, кырсыктан каза тапкандар жок. Жол унаа кыймылы үчүн ачык. Аталган трассанын 125-чакырымында медициналык жардам көрсөтүү боюнча Саламаттык сактоо министрлигинин медициналык пункту жана Өзгөчө кырдаалдар министрлигинин мобилдүү тобу, жолдун 131-чакырымында Транспорт жана жол министрлигинин жолду тазалоо иштерин жүргүзүүчү күчү жайгашканы айтылат маалыматта.

Автор: Автандил Добулбеков