Аксы районунда сел жүрүп, турак жайларды суу каптады

Аксы районунда сел жүрүп, турак жайларды суу каптады. Бул тууралуу бүгүн, 9-августта Өзгөчө кырдаалдар министрлигинен билдиришти.

Маалыматка караганда, 8-август күнү саат 00:30 чамасында Аксы районунун аймагында катуу жааган жамгырдын кесепетинен сел жүргөн. Натыйжада Кара-Жыгач айыл аймагындагы турак үйлөрдү сел каптаган.

Ошондой эле райондук №12-Жол-тейлөө ишканасынын карамагындагы Кара-Жыгач-Кара-Суу унаа жолун сел калдыктары каптаган. Тазалоо иштерине аталган ишканадан 1 автогрейдер тартылып, жумуш толук бүткөрүлгөн.

Автор: Бекжан Рыскулов