ЖЫЛНААМА, 2-НОЯБРЬ: Украинадагы токойлордун биринен журналист Георгий Гонгадзенин жансыз денеси табылган

Мындан 16 жыл мурун, 2-ноябрда Тараща шаарындагы токойдон украиналык журналист Георгий Гонгадзенин жансыз денесин таап алышкан. Күбөлөрдүн айтымында, журналист ошол жылы 16-сентябрда саат 23:30 чамасында жумушунан чыгып кетип, үйүнө кайтып барган эмес. Ошентип, 2,5 айдан ашык убакыт өткөн соң токойдон анын башы жок жансыз денесин таап алышкан. Анын Г.Гонгадзе экенин аялы жана достору таанышкан.

Г.Гонгадзе белгилүү украиналык оппозициялык журналист катары белгилүү болгон. Ал "Украина чындыгы" интернет басылмасын негиздеп, башкы редакторлук кызматты аркалаган. 2008-жылдын декабрь айында Киев шаарында Г.Гонгадзенин урматына эстелик орнотулган.

2013-жылы 29-январда Украинанын Ички иштер министрлигинин кызматкери, генерал Алексей Пукач бул кылмыш боюнча күнөөлүү деп табылып, өмүр бою эркинен ажыратылган. Журналисттин сөөгү өлүмүнөн 15 жыл өткөн соң, 2015-жылы март айында жерге берилген.

2-ноябрга карата жылнаама.

Автор: Саадат Токтоболот кызы