Сузак районунда тургундун үйүнөн мыйзамсыз сакталган ок атуучу курал табылды

Сузак районунда тургундун үйүнөн мыйзамсыз сакталган ок атуучу курал табылды. Бул тууралуу бүгүн, 16-мартта Ички иштер министрлигинен билдиришти.

Маалыматка караганда, 14-март күнү Сузак районунун тургуну, 39 жаштагы А.А. аттуу жаран жашаган турак үй тинтүүгө алынган. Анын негизинде мыйзамсыз сакталган эки аңчылык куралы табылган. Табылган курал жана топтолгон материалдар тиешелүү бөлүмгө өткөрүлүп берилди.

Ошол эле күнү Каракол шаарынын 19 жаштагы Э.С. аттуу тургуну милиция кызматкерлерине МР-654 травматикалык тапанчасын өз эрки менен өткөрүп берген.

Автор: Бекжан Рыскулов