Иран Израилге болгон чабуулда жаңы "Хайбар" ракеталарын биринчи жолу колдонду

Mehr агенттиги 22-июнда Ислам аскерлеринин башкармалыгына шилтеме берүү менен Иран Израилге эртең мененки чабуулда биринчи жолу жаңы "Хайбар" ракеталарын колдонгонун жазды.

"Операцияда "Хайбар" көп заряддуу баллистикалык ракетасы биринчи жолу колдонулду, анда так, кыйратуучу жана эффективдүү сокку уруу үчүн жаңы жана күтүүсүз тактикалар колдонулган", - деп айтылат басылмада.

Ирандын куралдуу күчтөрүнүн негизги мүмкүнчүлүктөрү азырынча колдонула электиги белгиленди.

Айта кетсек, түндө АКШ Ирандын өзөктүк куралдары сакталып турган үч аймакка сокку урду. Андан соң Иран Израилге 20 ракетасы менен чабуул койду.

Автор: Замира Ниязбекова