Санкт-Петербург шаарында Кыргыз жаранынын өз өмүрүнө кол салуусуна үй-бүлөлүк маселе себеп болгон

Санкт-Петербург шаарында Кыргыз жаранынын өз өмүрүнө кол салуусуна үй-бүлөлүк маселе себеп болгон. Бул тууралуу Кыргыз Республикасынын Орусиядагы элчилигине жабырлануучунун туугандары билдиришкен.

"Кечээ, 26-апрель күнү элчиликтин кызматкерлери Кыргыз жараны жаткан №26-шаардык ооруканага барып келишти. Кыргыз жаранынын абалы дале оор жана аппарат менен дем алып жатат", - деп айтылат элчиликтин маалыматында.

Айта кетсек, окуя 23-апрель күнү Санкт-Петербург шаарынын Дунай кең көчөсүндөгү курулуш жүрүп жаткан имаратта болгон. Анда 22 жаштагы Ы.М. аттуу Кыргыз жараны асынып турган жеринен табылган.

Автор: Бекжан Рыскулов