Ак-Сууда катуу кар жаап, чөп түгөнүп 29 баш кой, 2 баш уй өлдү. Малга чөп алып келем деп кеткен киши кырсыкка кабылып каза болду

Ысык-Көл облусунун Ак-Суу районунда катуу кар жаап, чөп түгөнүп 29 баш кой, 2 баш уй өлдү. Малына чөп алып келем деп кеткен киши кырсыкка кабылып каза болду. Бул тууралуу ӨКМнын басма сөз кызматы билдирди.

Маалыматка ылайык, 29-апрелден 30-апрелге караган түнү Ак-Суунун Ак-Чий жана Боз-Учук айыл аймактарына тиешелүү кыштоолорунун жайыт жерлеринде 1 метрге чейин жеткен кар жаап, Эңилчек айылынан Кайыңды жайлоосуна баруучу жолунда кар күрткүлөрү пайда болгон. Унаа жолу бир каттамга ачык болуп, бирок унаалар жүрүүгө оор абалда, кыштоодогу малчыларга чөп алып барууга кыйынчылыкты жараткан.

Кардын калың жааганына байланыштуу кыштоодогу малдардын чөбү түгөнүп, 29 баш кой, 2 баш уй өлгөн. Алдын ала маалыматтар боюнча, тоодон кар көчкү түшүп, 5 баш жылкы кар көчкүнүн алдында калган.

Ошондой эле 2 жергиликтүү тургун ГАЗ-66 унаасы менен чөп алып баратып, жол кырсыгына кабылып, 1 адам каза болуп, 1 адам оор жаракат алган. Каза болгон адамды райондук өлүкканасына жана жабыркаган адамды ооруканага "Тез жардам" унаасы жеткирген.

Автор: Нургазы Аматов

12:09 04-05-2017

Жазылуу

РУБРИКАДАГЫ СОҢКУ КАБАРЛАР

18:11 2025-06-22 | Түркүн дүйнө

Иран Израилге болгон чабуулда жаңы "Хайбар" ракеталарын биринчи жолу колдонду 2474 0

17:48 2025-06-22 | Коом жана турмуш

Добуш берсе болот... Кыргызстан абройлуу эл аралык туризм сыйлыгынын тизмесине кирди 701 0

17:04 2025-06-22 | Коом жана турмуш

Шашылыш билдирүү! Бишкекте жана Чүй облусунда катуу шамал болот 595 0

16:31 2025-06-22 | Коом жана турмуш

Сырты да тиешелүү... Ташиев Ысык-Көлдөгү пансионаттардын ээлерине тапшырма берди (видео) 1132 0

15:44 2025-06-22 | Түркүн дүйнө

Иранга болгон сокку... Йемен Кызыл деңиздеги америкалык аскерлерге чабуул коюуга даярданууда 3438 0

15:12 2025-06-22 | Түркүн дүйнө

Ак үй АКШнын Иранга сокку уруусун байкап отургандардын кадрларын жарыялады 2730 0

Архив

Комментарийлер (6)

Nazikbaigazy

2017-05-04 12:18:37

Оо кудаай саар эле канча мал олду эле таш басып, деги эмне болуп баратат КЫРГЫЗСТАН

gulmira12345

2017-05-04 12:29:09

олгонго мал болсун оло берсин адамдарга жалко болуп жатат

LEGENDA.

2017-05-04 13:08:25

Аллахтын эскертүүсү. Ошентседа кыргызым моюн бербей келе жатат.
Зекет берейин деген эч ким жок. Бирөөнү ойлобой жалаң "өзүм" деп калдык. Бирөөнү алдамай,тономой,зордомой,өлтүрмөй кадимки эле көрүнүш болуп калды.

temirov76

2017-05-04 23:30:05

LEGENDA.,туура айтасың,элдин пейили бузулду.

salman-dastan

2017-05-04 14:06:51

Аксуу каякта? Май келип калса да 1 метрлеп кар жаап атса.Кудай сактасынчы баарыбызды.

Kroxa

2017-05-04 14:50:42

Ак-суу районунун тоо этектеги кыштоолоруна кар калын жаап анан кар кочку тушуп басып калыптыр ал жакта дале кыш кар тоолордо кете элек..быйыл кыштын мойну узун болду.. малдар олсо олсун.жакшы мал жанга аралжы адамдар боодо олуп жаман болуп жатат быйыл кыштан боинг кырсыгынан бери коп жоготуу болду..сак бололучу кудай сактасын,эл жерди..

Комментарий калтыруу үчүн өз ысымыңыз менен кириңиз же каттоодон өтүңүз.