"ЭЛДИК КАБАРга" жооп: Кара-Көлдө Ош-Бишкек жолуна шагыл таштар түшкөнүнөн улам жабыркагандар жок

15-майда саат 21:30 чамасында Жалал-Абад облусунун Кара-Көл шаарында Бишкек-Ош унаа жолунун 398-400-чакырымдарында шагыл таштар агып түшүп, унаа жол жабылып калган. Бул тууралуу бүгүн, 16-майда ӨКМнын басма сөз кызматы билдирди.

Маалыматка ылайык, кырсыктан улам жабыркагандар жок. "Шагыл таштар түшкөн жердин эки тарабында биригип болжол менен 1000ге жакын унаалар топтолгон. Бүгүн, 16-майда саат 07:40 чамасында унаа жол бир тараптуу ачылды. Топтолуп турган унаалар толугу менен өтүп бүткөндөн кийин кеңейтип тазалоо иштери улантылат", - деп айтылат маалыматта.

Айта кетсек, бүгүн окурман SUPER.KG порталына "Ош-Бишкек жолуна таштар түшүп, жүздөгөн унаалар өтө албай турушат" деп маалымат жөнөткөн.

Автор: Нургазы Аматов