Өзгөндө мал айдап баратып аты менен дарыяга түшүп кеткен тургун табыла элек

Өзгөн-Кара-Шоро жолунда мал айдап баратып аты менен дарыяга түшүп кеткен тургун табыла элек. Мындай мааалыматты бүгүн, 2-июнда Өзгөчө кырдаалдар министрлигинин басма сөз кызматынан билдиришти.

Маалыматка ылайык, Мырзаке айыл аймагындагы Адыр айылынын 1950-жылы туулган А.Т. аттуу тургуну Өзгөн-Кара-Шоро жолунун 57-чакырымында мал айдап бара жатып аты менен кошо Жазы дарыясына түшүп кеткен. Окуя үстүбүздөгү жылдын 20-май күнү саат 17:00 чамасында орун алган.

"Дарыяга түшүп кетип, кырсыкка кабылган тургунду куткаруучулар издөөгө алышкан. Азырынча чабан табыла элек. Учурда издөө иштери улантылууда", - деп билдирди басма сөз кызматы.

Автор: Акназар Сулайманкулов