Эсептөө палатасынын аудитору менен тескөөчүлөрү ири суммадагы пара алып жаткан жеринен кармалышты

Эсептөө палатасынын аудитору менен тескөөчүлөрү пара менен кармалды. Улуттук коопсуздук боюнча мамлекеттик комитети тараткан маалыматка ылайык, Эсептөө палатасынын аудитору Э.Э. жана анын кол алдындагы тескөөчүлөр К.У. менен М.К. аудит жүргүзгөн объекттеринен мыйзамсыз түрдө акча каражатын алып жүргөн.

Маалыматта айтылгандай, 9-июнь күнү аудитор Э.Э. жана инспектор К.У. иш бөлмөсүндө өздөрү текшерүүгө алган объекттин өкүлдөрүнөн ири суммадагы пара алып жаткан жеринен кармалган. Бул кызматкерлерге карата жүргүзүлгөн иликтөө иштеринин натыйжасында аудитор жана инспекторлор буга чейин текшерүүгө алган объекттерден акча каражатын алып жүргөндүгү, анын көпчүлүк бөлүгү Э.Эге берилгени белгилүү болду.

Учурда аудитор жана тескөөчү УКМКнын тергөө абагына камалды. Ал эми дагы бир тескөөчү аталган жайдын убактылуу кармоочу жайына киргизилди. Аталган факт боюнча тергөө-иликтөө иштери уланууда.

Белгилей кетсек, Эсептөө палатасында "Э.Э." инициалы менен аудитор Эмилбек Эркинбек уулу бар. Ал бул кызматка парламенттеги "Республика-Ата Журт" фракциясы тарабынан сунушталган. Эсептөө палатасынын аудиторлорун шайлоо 2016-жылдын март айында өтүп, Эмилбек Эркинбек уулу 100 эл өкүлүнүн оң баасына татыса, 13 депутат ага каршы добуш берген. Эркинбек уулу бул кызматка чейин Мамлекеттик салык кызматынын Сузак райондук бөлүмүнүн жетекчисинин орун басары болуп эмгектенген.

Автор: Рахматулла Кудайбердиев
Фото: Интернеттен алынган

15:57 12-06-2017

Жазылуу

РУБРИКАДАГЫ СОҢКУ КАБАРЛАР

11:25 2025-06-22 | Коом жана турмуш

Жалал-Абад шаарына 5200 орундуу спорт сарайынын курулушу башталды 214 0

11:01 2025-06-22 | Коом жана турмуш

Ошто негизги көчөлөрдүн бирине кайрадан асфальт басылып, пайдаланууга берилди 280 0

10:47 2025-06-22 | Түркүн дүйнө

Иран АКШны БУУнун уставын жана эл аралык мыйзамдарды бузду деп айтыптады 728 0

10:06 2025-06-22 | Спорт

Мыктыбек Оролбай уулу UFCде үчүнчү жеңишине жетти (видео) 716 1

09:41 2025-06-22 | Түркүн дүйнө

Иран АКШнын соккулары боюнча билдирди 1980 0

09:28 2025-06-22 | Түркүн дүйнө

АКШнын аба күчтөрү Ирандын үч өзөктүк объектисин талкалады. Трамп эмне дейт? 1617 0

Архив

Комментарийлер (8)

azamat1978

2017-06-12 16:02:47

Кармалып ошобойлон жыйынтык жок

TalaCSKA

2017-06-12 16:09:54

Ошол акчага кантип уйуно балдарына нан,сут алып барып беришет? ошол акчага келген нанды балдары жеп жатканда кантип журогу чыдап карап турушат?

jbolotov

2017-06-12 16:18:01

Системалык турдо мамлекетти жейберсе келечегибиз эмне болот? Мамлекетти ойлогон адамдар бийлике келсе экен.

Rakyl12

2017-06-12 16:21:05

булардын апетити чон, бизди жакындале тершерип ар бирибизден 15 мин сомдон алып кетти, 20 адамдан ошондо 300 мин алып кетти.

kanatbekabytovich82

2017-06-12 17:10:19

Алып келген,алып эле жатышат жана мындан ары да ала беришмекчи...Булар болбосо башкалары....

Abdusamat.kg

2017-06-12 18:20:41

Башка партияга бергиле алар жесин эми . Баарыңар издешпей табышкансыңар

Adil706070

2017-06-12 18:58:19

А берки экоосу КСДП дан окшойт,алар кайсы партиянын атынан кызматка дайындалганы айтылбай жатканына караганда

jbolotov

2017-06-12 20:25:16

Азыр бизде карапайым калка билинбеген закондор бар. Акчан копбу анда жогорку кызматка кетебересин. УКМК эми не кылаар экен акчасын алып кое береби же мыцзам турундо жазаланабы СИ маалымдасанар жакшы болмок

Комментарий калтыруу үчүн өз ысымыңыз менен кириңиз же каттоодон өтүңүз.