Криштиану Роналду 5 жылга камалышы мүмкүн

“Реалдын” футболчусу Криштиану Роналдунун үстүнөн Испаниянын прокуратурасы сотко арыз берди. Буга анын 2011 жана 2014-жылдардын аралыгында түшкөн кирешесинен 14,7 миллион евро салык төлөбөй койгону себеп болгонун чет элдик ЖМКлар жазууда.

Айрым маалыматтарга караганда, аталган өлкөнүн мыйзамдарына ылайык, Роналду бул аракети үчүн 15 айдан 5 жылга чейин эркинен ажыратылышы мүмкүн. Эгерде ошол эле учурда футболчу тергөөгө активдүү катышса, сот айып пул төлөтүүсү же шарттуу түрдө кесүүсү мүмкүн экендиги айтылууда. Испаниянын мыйзамдарына ылайык, сот кимдир-бирөөнү 2 жылга жетпеген мөөнөткө камакка алуу чечимин чыгарса, муну шарттуу жазалар менен алмаштыруу мүмкүн.

2016-жылы "Forbes" журналы дүйнө жүзү боюнча эң көп киреше тапкан 100 спортчуну атап, анын сап башына Криштиану Роналдуну жазган. Ал 2016-жылы 88 миллион евро тапкан (56 миллион евро клубдан, 32 миллион евро жарнамаларга тартылуудан түшкөн).

Эскерте кетсек, Испания соту "Барселона" футболдук клубунун чабуулчусу Лионель Месси жана атасы Хорхе Мессини 2007-2009-жылы футболчунун атын колдонуудан түшкөн киреше салыгын толтурууда жасалма документ тапшырганы үчүн айыптап чыккан. Кирешени жашыруудан бюджетке 4,1 миллион евро түшпөй калган. Жыйынтыгында сот футболчуну 2 миллион евро, атасын 1,5 миллион евро айыпка жыгып, ага улай экөөнү 21 айга шарттуу кескен.

Автор: Жамалидин Парманкулов

18:50 14-06-2017

Жазылуу

РУБРИКАДАГЫ СОҢКУ КАБАРЛАР

11:25 2025-06-22 | Коом жана турмуш

Жалал-Абад шаарына 5200 орундуу спорт сарайынын курулушу башталды 214 0

11:01 2025-06-22 | Коом жана турмуш

Ошто негизги көчөлөрдүн бирине кайрадан асфальт басылып, пайдаланууга берилди 280 0

10:47 2025-06-22 | Түркүн дүйнө

Иран АКШны БУУнун уставын жана эл аралык мыйзамдарды бузду деп айтыптады 728 0

10:06 2025-06-22 | Спорт

Мыктыбек Оролбай уулу UFCде үчүнчү жеңишине жетти (видео) 716 1

09:41 2025-06-22 | Түркүн дүйнө

Иран АКШнын соккулары боюнча билдирди 1980 0

09:28 2025-06-22 | Түркүн дүйнө

АКШнын аба күчтөрү Ирандын үч өзөктүк объектисин талкалады. Трамп эмне дейт? 1617 0

Архив

Комментарийлер (8)

Zeinep_gunew93

2017-06-14 19:38:18

Ошончо киреше тапкан экен төлөп койбоптур да проблема кылбай

BakytAliev

2017-06-14 20:49:29

Испаниянын атын ушунча таанытып дуйного чыгарып атат ко команданын атын Анан эмнесине камайт

kriss120

2017-06-14 21:27:13

Мыйзамды бузса камайт да анан

Lion.

2017-06-14 23:17:12

Шартту дегени кандай?

Tyty1990

2017-06-14 23:40:47

Lion.,сразу эле камап салбайт дегени

Dybala.

2017-06-15 00:25:08

Испания да олуп буткон экенда биздин жеп жутарларга окшогондор копта ото коп налог толойт

admin_superstan

2017-06-15 09:45:17

Karaan, порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер portal@super.kg электрондук дарегине жазылып жөнөтүлүшү керек.

pomposh

2017-06-15 16:00:13

эээй ошо акчасы коптор толобойт. кембагалдар коркуп кобойуп кетпесин деп толойт.кыргыздарда деле байлар карыз мамлекетке комуналдык услугалар учун. кембагалдар толойт убагында

Комментарий калтыруу үчүн өз ысымыңыз менен кириңиз же каттоодон өтүңүз.