ИИМ: "Мал уурдоого шектүү топ кармалды. Алар 2 жылдын ичинде өлкө аймагынан 150дөй бодо мал уурдашкан"

Ички иштер министрлигинин Кылмыш иликтөө башкы башкармалыгы Чүй, Жалал-Абад жана Ош облустарынын аймагынан мал уурулук менен шугулданган топтун изине түшүп, шектүүлөрдү кылтакка илишти. Алар Кыргыз өлкөсүнүн аймагынан 2 жылдын ичинде жалпы 150 баштай уй, жылкыларды уурдоого шектелип жаткандыгын бүгүн, 15-июнда министрликтин басма сөз кызматы жарыялады.

Кармалган 3 адам баары Ош облусуна караштуу Алай районунун тургундары. Алардын бири 44, экинчиси 43 жана 33 жаштагы тургундар. Алар учурда Бишкекте, Чүйдө жана Ошто жашап турушкан. Кармалгандарга карата Жалал-Абад облусунун аймагынан мал уурулук боюнча 12 кылмыш иши ачылды. Аталган облустун Базар-Коргон, Сузак, Токтогул, Ноокен, ошондой эле Таш-Көмүр шаарынын жашоочуларынын жалпы 70тей уюн, жылкысын уурдап кетишкен. Ал эми Ош облусунун Алай, Ноокат, Кара-Суу райондорунан 50 баш, Чүйдөн 30 баш ири мүйүздүү малды уурдаган деп шектелишүүдө. Алар алгач болжогон олжосун жайлоолорго чейин барып байкап, маалыматтарды тактап ыңгайы келген жерден жүк ташуучу унаага салып кетишкен. Кээде ээси жок жайылган малдарды үйүрү менен да айдап кеткен учурлары болгон.

"Бүгүнкү күндө кармалган адамдарга карата Кылмыш-жаза кодексинин 165-беренеси (мал уурулук) боюнча кылмыш иши козголуп иликтөө жүрүп жатат”, - деп айтылат катчылыктын маалыматында.

Сүрөттөрдө аларды кармоо маалында далил катары алынган мал жана алардын мал ташыган унаасы.

Автор: Илязбек Балташев
Фото: ИИМдин басма сөз кызматы

12:51 15-06-2017

Жазылуу

РУБРИКАДАГЫ СОҢКУ КАБАРЛАР

11:25 2025-06-22 | Коом жана турмуш

Жалал-Абад шаарына 5200 орундуу спорт сарайынын курулушу башталды 214 0

11:01 2025-06-22 | Коом жана турмуш

Ошто негизги көчөлөрдүн бирине кайрадан асфальт басылып, пайдаланууга берилди 280 0

10:47 2025-06-22 | Түркүн дүйнө

Иран АКШны БУУнун уставын жана эл аралык мыйзамдарды бузду деп айтыптады 728 0

10:06 2025-06-22 | Спорт

Мыктыбек Оролбай уулу UFCде үчүнчү жеңишине жетти (видео) 716 1

09:41 2025-06-22 | Түркүн дүйнө

Иран АКШнын соккулары боюнча билдирди 1980 0

09:28 2025-06-22 | Түркүн дүйнө

АКШнын аба күчтөрү Ирандын үч өзөктүк объектисин талкалады. Трамп эмне дейт? 1617 0

Архив

Комментарийлер (6)

KOHHOP

2017-06-15 13:10:23

Крyтые парни

Gulim_zamujem

2017-06-15 13:22:13

Эки буттуу ХХХ

urmat-87

2017-06-15 13:54:26

бул акмактар каерден кармалды Алайдан болсо мендагы былтыр 3жашар бука жоготкомун алайдан болом аттарын тактап каерде кармалганын тактап берсениздер менда барайын

grace

2017-06-15 14:47:23

Ой акмактар, былтыр Алайдан жездемдин аты жокжотом болуп жоголуп кетти эле. Алайдын атын булгаган атың өчкүрлөр, эми түрмөдө жазаңарды тарткыла.

Nevestkaa

2017-06-16 13:23:15

Биз да төрт уй кой жоготконбуз эки жыл мурун.Издеп издеп кала бердик .Оо дүйнөдө жооп бересиңер эми.

cfif03748

2017-06-19 21:46:04

Уурулардын бетин жаап койгонунар эч жакпайтта

Комментарий калтыруу үчүн өз ысымыңыз менен кириңиз же каттоодон өтүңүз.