Аида Салянованын соту жактоочунун келбей калгандыгына байланыштуу 3-июлга жылды

Бүгүн, 30-июнда Бишкек шаарынын Ленин райондук сотунда Жогорку Кеңештин депутаты Аида Салянованын үстүнөн козголгон кылмыш иши боюнча соттук отурум болот. Бирок күзөт кызматкерлери журналисттерди соттук отурумга киргизген жок. Бир аздан соң жактоочунун келбей калгандыгына байланыштуу соттук отурум 3-июлга жылганы белгилүү болду.

Эскерте кетсек, 2016-жылдын декабрь айында Саляновага "кызматтык абалынан кыянаттык менен пайдалануу" беренеси боюнча кылмыш иши козголгон. Ал "юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталууда. Тергөөнү Улуттук коопсуздук мамлекеттик комитети жүргүзгөн.