Дүйнөлүк маалымат каражаттары: "Ислам мамлекети" террордук уюмунун башчысы Абу Бакр аль-Багдади өлтүрүлдү"

Абу Бакр аль-Багдади.

Ирактык ЖМКлар аль-Багдадинин денеси деп тараткан сүрөт.

"Орусия жүргүзгөн авиачабуулдан улам 300 адам жана "Ислам мамлекети" террордук уюмунун башчысы Абу Бакр аль-Багдади мерт болду". Мындай маалыматты Ирактын жергиликтүү телеканалы "Ас-Сумария" өздүк булактарына таяп жазып чыкты. Маалыматта белгилүү болгондой, террордук уюмдун жетекчисинин каза болушун топтун башка мүчөлөрү видеокайрылуу аркылуу коомчулукка жарыялаган. Ошондой эле уюмдун мүчөлөрүнүн бири аль-Багдадинин орун басары жаңы "халифти" дайындашканын айткан. Бирок анын аты ким экенин "Ас-Сумария" телеканалы тактаган эмес.

Эске салсак, Орусия Сириянын Ракка шаарына 28-майда авиачабуул койгон. 11-июнда Daily Mail басылмасы Раккада Абу-Бакр аль-Багдадинин каза тапканын жазып чыккан. Анткен менен бул маалыматты согушкер топтун мүчөлөрү тастыктаган эмес. Кийинчерээк ирактык ЖМКлар белгисиз адамдын өлүгүнүн сүрөтүн аль-Багдадинин сөөгү деп таратышканы маалым.

Демек, бул кабар аль-Багдадинин өлтүрүлүшү тууралуу алгачкы маалымат эмес. Буга чейин дагы аталган террордук уюмдун башчысынын өлтүрүлүшү тууралуу бир нече жолу маалыматтар тарап, бирок аны эч ким тастыктаган эмес.

Маалымат үчүн: Абу Бакр аль-Багдадинин чыныгы ысымы Ибрагим Авад Ибрагим аль-Бадри. 2014-жылдын июль айында ал "Ислам мамлекети" террордук уюмунун башчысы катары коомчулукка таанылган. Анда аль-Багдади Ирактын Мосул шаарында "Ислам мамлекети" террордук уюму тарабынан басып алынган мечитте сүйлөп, Жакынкы Чыгышта "ислам халифаты" түзүлөрүн жарыялаган.

"Ислам мамлекети" террордук уюмуна АКШ, Канада, Улуу Британия, Түркия, Египет, Австралия, Тажикстан, БАЭ, Индия, Индонезия, Израиль, Орусия жана Кыргыз мамлекетинде да тыюу салынган.

Автор: Гүлжан Асанкожоева
Фото: Интернеттен алынды

11:50 12-07-2017

Жазылуу

РУБРИКАДАГЫ СОҢКУ КАБАРЛАР

23:12 2025-06-21 | Бизнес-Инфо

Имамдар арасында жалпы элдик конкурс: Ар бир адам үчүн исламдык каржы 420 0

22:17 2025-06-21 | Коом жана турмуш

МИКтин өкүлү чөгүп жатат деген үйлөр боюнча жеринде түшүндүрмө берди (видео) 1392 0

21:53 2025-06-21 | Коом жана турмуш

Камчыбек Ташиев Ысык-Көлдөгү эс алуучу жайлардын жетекчилерин чогултту. Себеби 1463 0

19:50 2025-06-21 | Коом жана турмуш

"Чындыкка дал келбейт". МИК чөгүп жатат делген үйлөр боюнча үн катты (видео) 1773 0

18:16 2025-06-21 | Коом жана турмуш

Талаада таштанды терип жүргөн балдардын аракети жүрөк жылытты (видео) 1223 0

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 692 0

Архив

Комментарийлер (8)

RusMos76

2017-07-12 12:07:55

Олуп жок болсо экен ушулар мамлекет болбой эле!

kg_emilbekov

2017-07-12 12:21:34

жакшы болуптур туп тамыры менен жок болсо екен

KIPCHAK-KALMAK

2017-07-12 12:25:29

Куфшинден чыккан жин олуптурда

CEO

2017-07-12 12:51:42

Тиякта биздин радикалдар аза кутуп отурушкан чыгаар...

meni_kut

2017-07-12 13:58:50

CEO,кой боор ооруба радикалдарга боор ооруп сен радикал эмессинби?

-2

Revolyutsiya2

2017-07-12 14:42:43

meni_kut, бир суйломду бурмалап тушунгондор Куранды тескери бурмалап тушунушсо эч тан калып кереги жок корунот...

jbolotov

2017-07-12 20:25:13

Терорризм тушунугу кенеен мааниде. Мисалы ошол эле ИГИЛ дегенди АКШ атайын кызматтары оз кызыкчылыгы учун тузгон деп Оруссиянын История заблуждении деген беруусунон Орус ананлитик адистери суйлопматышат. Негизи Кыргыз эли жоош элбиз, чыныгы мусулман адам террорист эмес болгону Оруссия крокодил учат десе биздин алсыз, оз пикири жок адамдарыбыз учат деп ойлойбуз.Эгерде мындай болбосо эмне учун ИГ ге АКШ колдоо корсотуп атат? Анткени бул адамдар Оруссиянын созун суйлогон Ассадды талкалап Сирияны

pixduel1

2017-07-13 03:06:38

Каштары окшобойтко(( бул Орусиянын дагы бир жалганы!

Комментарий калтыруу үчүн өз ысымыңыз менен кириңиз же каттоодон өтүңүз.