ЖЫЛНААМА, 13-ИЮЛЬ: 12 жыл мурун Пакистанда 3 поезд кагылышып, 130дан ашуун адам каза болгон

12 жыл мурун, 2005-жылы 13-июлда Пакистандын Готки шаарына жакын жерде жүргүнчү ташуучу 3 поезд кагышкан. Анын кесепетинен 132ден кем эмес адам каза болуп, жүздөгөн адам жаракат алган. Анда Лахор шаарынан Карачи шаарына бара жаткан поезд ошол жолдо Лахор-Кветти багыты боюнча кетип жатып оңдоо иштерин жүргүзүү үчүн токтоп турган поездди артынан сүзүп алган.

Кагылышуудан кээ бир вагондор жакынкы рельсте бара жаткан поезд тарапка ыргытылып кеткен.

Кырсык Карачиге бара жаткан поезддин машинистинин катачылыгынан келип чыккан.

13-июлга карата жылнаама.

Автор: Айпери Ганыжан кызы