Клара Алибекова: “Милиция кызматкерлерине жардам сурап кайрылсам, алар мени видеого тартып шылдыңдашты”

Мындан бир апта мурун Клара Алибекованын машинанын ичинде отуруп, милиция кызматкерлеринен жардам сурап жатканы, ал эми милиция кызматкерлери кайра ырчыны шылдыңдап “Аты-жөнүңдү айт биринчи. Крышаң кетип калган жок беле? Зордуктаган жокпу? Качан, каерден зордуктайм деди?” деген сыяктуу үстөккө-босток суроолорду беришкен видеосу интернетке жарыяланды. Ырчы бул туурасында оюн билдирүү үчүн редакциябызга кайрылды. “Алардын мени видеого тартып жатканын деле билген эмесмин. Суроолоруна жооп берип бүткөндөн кийин “бар, эми түш” деп унаадан түртүп чыгарып кетип калышты. Көрсө, мен милиция кызматкерлерине жардам сурап кайрылсам алар шылдыңдап видеого тартып, интернетке жарыялап жиберишиптир”, - дейт.

Кайрылгандарга жардам бергендин ордуна келекелөө туурабы? Бул тууралуу Бишкек ШИИББинин маалымат кызматы эмне дешет? Кененирээк “Супер-Инфонун” жаңы санынан (№779, 6-октябрь, 2017-жыл) окуй аласыз.