Бишкек-"Манас" аэропорту жолуна коюлган жарыктандыруу боюнча Жол чарба департаментинин кызматкерлерине кылмыш иши козголду

Бишкек-"Манас" аэропорту жолуна коюлган жарыктандыруу иши боюнча Транспорт жана жолдор министрлигинин жол чарба департаментинин өкүлдөрүнө кылмыш иши козголду. Бул тууралуу бүгүн, 20-октябрда Башкы прокуратуранын басма сөз кызматынан билдиришти.

Маалыматка ылайык, жарыктандыруу ишин жүргүзүүдө тендер өткөрүүнүн эрежесин бузуу, кызмат абалынан кыянаттык менен пайдалануу жана өлкө кызыкчылыгына каршы келген келишим түзүү, мамлекеттик сатып алууларды ишке ашыруу беренелери боюнча кылмыш иши козголгон.

"Жол чарба департаментинин өкүлдөрү тендер өткөрүүдө эрежеге туура келбегенине карабай ЖЧК менен 74 миллион 996 миң сомго келишим түзгөн. Жыйынтыгында иш жүргүзгөн ЖЧКга 84 миллион 865 миң сом которулган. Бирок келишим боюнча мындан аз суммада бааланган көлөмдөгү иш аткарылган", - деп билдирди басма сөз кызматы.

Мындан сырткары 2,7 чакырым жерди жарыктандырууда да эреже бузуулар аныкталган. Мында жарык жолдун ортосуна гана коюлган, эреже боюнча жарыктандыруу жолдун эки тарабына коюлмак. Ал эми жолдун жээгине электр чубалгыларын орнотуу үчүн жерди кол менен казуу боюнча кошумча келишим түзүлгөн. Бирок аткарылган жумуштар техниканын күчү менен жасалган. Жол чарба департаментинин кызмат адамдары мамлекетке 6 миллион 324 миң сом зыян келтирген деп айтылат маалыматта.

Автор: Акназар Сулайманкулов

12:33 20-10-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израиль жаңжалы: Владимир Путин кимди колдойт? 154 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 977 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 860 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1030 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2233 0

19:03 2025-06-20 | Спорт

Вьетнамда кыргыз балбан кызы Азия чемпиону болду 928 0

Архив

Комментарийлер (4)

Cherik.777

2017-10-20 12:37:15

Ушул качан токтойт ушулардын козгогону.. Же алар койбоду

dina

2017-10-20 12:43:11

Туура 6 миллионго бут Бишкекти жарыктандырса болот.

Jumahmatov

2017-10-20 12:43:19

Эптеп септеп эле бутуруп койушкан жол чырактары дагы бир кун иштесе эки кун иштебей турат жакшылап эле жасап койушса болмок мамлекетке зыян келтириштиби камагыла башынан сылап койбой

evra_kg

2017-10-20 12:52:58

Эптемей эле буткон андай акчага аэпортко чейин асма копуро курулат эле

Комментарий калтыруу үчүн өз ысымыңыз менен кириңиз же каттоодон өтүңүз.