Орусияда жарандарды теракт жасоого үндөдү делген Кыргыз жараны соттолот

Орусияда жарандарды теракт жасоого үндөгөнү үчүн Кыргыз жараны соттолот. Бул тууралуу бүгүн, 24-октябрда орусиялык басылмалар жазып чыгышты.

Маалыматка ылайык, 2017-жылдын февраль, март айларында Кыргыз жараны интернет аркылуу Киров облусунун эки тургунун Москва шаарында террористтик кылмыштарды жасоого үндөгөн. Ал жүк ташуучу унаа менен топтолуп турган жарандарды сүзүүнү сунуштаган. Ошондой эле аталган маалыматта иликтөөнүн натыйжасында айыпталып жаткан Кыргыз жараны Орусияда тыюу салынган эл аралык террордук топтун мүчөсү экени аныкталганы айтылат.

Кылмышка шектүү Киров облусунан кармалып, бирок иштин материалдары Москва аймактык аскердик сотуна жөнөтүлгөнү маалымдалды.

Автор: Кенжебай Сатканалиев