"Жоокерди сабады" деп айыпталган УКМК офицери 2 миллион сом айыпка жыгылды

Жогорку Сот УКМКнын офицери А.Н.га чыккан өкүмдү күчүндө калтырды. Бул тууралуу бүгүн, 25-октябрда аталган соттон билдиришти.

Айта кетсек, окуя 2016-жылдын 21-январь күнү Улуттук коопсуздук мамлекеттик комитетинин №64479-аскер бөлүгүндө болгон. Анда ал жакта кызмат өтөп жаткан Абытбек уулу Мамарасул ротанын командири тарабынан сабалган.

2016-жылдын 17-июнь күнү Бишкек гарнизонунун Аскер соту кылмышка шектүү А.Н.ны Кылмыш-жаза кодексинин 305-беренеси (күч колдонуу аркылуу кызмат абалынан кыянаттык менен пайдалануу) боюнча күнөөлүү деп таап, эсептик көрсөткүчтүн 20 миң өлчөмүндө, башкача айтканда, 2 миллион сом мамлекеттин пайдасына айыпка кириптер кылынып, бир жылга чейинки мөөнөткө өздүк курам менен иштөө укугунан ажыратылган.

Аскер сотунун жазык иштери жана административдик укук бузуулар жөнүндө иштер боюнча соттук коллегиясынын 2016-жылдын 26-октябрындагы өкүмү менен Бишкек гарнизонунун Аскер сотунун 2016-жылдын 17-июнунда А.Н. жөнүндөгү өкүмү өзгөртүүсүз калтырылган.

"2017-жылдын 9-октябрында Жогорку Сот А.Н. жөнүндөгү Бишкек гарнизонунун Аскер сотунун 2016-жылдын 17-июнундагы жана Аскер сотунун жазык иштери жана административдик укук бузуулар жөнүндө иштер боюнча соттук коллегиясынын 2016-жылдын 26-октябрындагы өкүмдөрү күчүндө калтырылган. Токтом акыркы, даттанууга жатпайт", - деп билдиришти Жогорку Соттон.

Автор: Бекжан Рыскулов

09:51 25-10-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израил жаңжалы: Владимир Путин кимди колдойт? 1393 0

23:01 2025-06-20 | Түркүн дүйнө

Telegram'дын негиздөөчүсү Павел Дуров байлыгын 100дөн ашык баласына бөлүштүрөт 1150 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 1479 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 1109 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1258 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2602 0

Архив

Комментарийлер (2)

Syn4y

2017-10-25 10:11:22

emnege mamleketke togot, soldatka bersin

+12

nurbekasr

2017-10-25 10:32:59

Акмак экен го УКМК офицери А Н.Акчаны мамлекет эмне кылат жабыр тарткан балага 5 млн сом айып төлөсүн.Жөнөкөй эле журналисттер чоңдордун аброю үчүн 10,20 млн айыпка жыгылып жатат,ага караганда бул келтек жептир да.

Комментарий калтыруу үчүн өз ысымыңыз менен кириңиз же каттоодон өтүңүз.