"Кырсык учурунда үстү түшүп кеткен курулуштун түбүндө болчумун, Кудай сактап аман калдым" дейт Бишкектеги ураган имараттан жаракат алган куруучу

Бишкек шаарынын А.Токомбаев көчөсүндө чатыры кулап түшкөн курулушта жабыр тарткан 2 куруучунун ден соолугу туруктуу. Аларга барып ал-акыбалын сураганыбызда төмөнкүлөрдү билдиришти.

Алгач жандандыруу бөлүмүнө жаткырылып, кийин хирургия бөлүмүнө которулган куруучу Арсен жаракаты жеңил экенин, учурда абалы жакшы экенин айтты.

"Бизге компаниянын өкүлдөрү келип кетишти, бардык чыгымдарыбызды көтөрүп жатышат. Кырсык болгон учурда мен төбөсү кулаган курулуштун түбүндө болчумун, Кудай сактап аман калдым. Оор деле жаракат алган жокмун, уранды бутума тийип терисин шылып кетти, бирок коркуп нес болуп калгандыктан дарыгерлер чочулашып жандандыруу бөлүмүнө жаткырышыптыр. Учурда абалым жакшы бүгүн гана бутуңду абайла деп балдак беришти. Ал жерге бассейн курулуп жаткан, мындай чоң курулуш буга чейин өлкөдө курулбаптыр. Салмагы өтө оор болгондуктан көтөрө албай түшүп кетти окшойт", - дейт Арсен.

Ал эми ураган курулуштан акыреги сынып кеткен Кайрат учурда абалы жакшы экенин, компаниянын өкүлдөрү келип ал-абалын сурап кеткенин айтты.

Эскерте кетсек, 23-октябрда Бишкектеги "Авангард Стиль" курулуш компаниясы куруп жаткан имараттын 2-кабатынын монолити урап түшүп 12 адам жаракат алып, экөөсү ооруканага жаткырылган. Ал эми 10 адамга медициналык жардам көрсөтүлгөн.

Автор: Кенжебай Сатканалиев

19:00 25-10-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израил жаңжалы: Владимир Путин кимди колдойт? 1393 0

23:01 2025-06-20 | Түркүн дүйнө

Telegram'дын негиздөөчүсү Павел Дуров байлыгын 100дөн ашык баласына бөлүштүрөт 1150 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 1479 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 1109 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1258 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2602 0

Архив

Комментарийлер (2)

jbolotov

2017-10-25 20:00:40

Жакшы болуп кеткиле. Курулушта иштегендер ак эмгкек менен уй булоо баккан азаматтар.

ori

2017-10-25 20:43:22

Кана тиешелуу мекемелер текшергиле барып !ким козомолдойт баарын архитектура гос потреб надзор!ким уруксат берип ким текшерет?авангард стиль компаниясын жапкыла башка компаниялардын козу ачылсын !акчасын алып кысып олтура бербей

Комментарий калтыруу үчүн өз ысымыңыз менен кириңиз же каттоодон өтүңүз.