ӨКМ: "Бишкекте тамекиден тутанган өрт турак жайды каптап эки адам каза болду"

Бишкек шаарынын Свердлов районундагы Баетов көчөсүндө турак жай өрттөнүп эки адам каза болду. Бул тууралуу бүгүн, 30-октябрда Өзгөчө кырдаалдар министрлигинин басма сөз кызматынан билдиришти.

Маалыматка ылайык, кырсык 29-октябрь күнү эртең менен саат 7:30дар чамасында болгон. Натыйжада 44 жаштагы М.Э. жана болжол менен 30-35 жаштагы Вика аттуу аял түтүнгө ууланып каза болгон. Алардын жансыз денелери милиция кызматкерлерине өткөрүлүп берилген.

Андан сырткары Өзгөчө кырдаалдар министрлигинин басма сөз кызматынан өрт тамеки чегүүдөгү этиятсыздыктан улам чыкканын кабарлашты.

Автор: Кенжебай Сатканалиев