ӨКМ: "Баткендин Тигин-Ава тоосундагы өрт толук өчүрүлдү"

Баткен облусуна караштуу Баткен районунун Дара айыл өкмөтүндөгү Тигин-Ава тоосунун боорун каптаган өрт толук өчүрүлдү. Бул тууралуу бүгүн, 4-ноябрда Өзгөчө кырдаалдар министрлигинин басма сөз кызматынан билдиришти.

Маалыматка ылайык, Дара айыл өкмөтүнүн Кайыңды айылындагы Тигин-Ава тоосунун боорун каптаган өрт 2-ноябрда саат 17:00дөр чамасында башталып, кечээ, 3-ноябрда саат 18:15тер чамасында толук өчүрүлгөн. Тилсиз жоону токтотуш үчүн Өзгөчө кырдаалдар министрлигинен 37 кызматкер, жергиликтүү тургундардан 155 адам тартылган. Өрттөн 3 гектардан ашуун аймактагы куураган чөп, бадал өсүмдүктөрү күйүп кеткен.

Автор: Кенжебай Сатканалиев