Ошто 10 миң сом өлчөмүндө пара алып жаткан жеринен Баңгизатка каршы күрөшүү башкармалыгынын ыкчам кызматкери кармалды

Опузалоо жолу менен пара талап кылган Ош облусу жана Ош шаары боюнча ИИМдин Баңгизатты мыйзамсыз жүгүртүүгө каршы күрөшүү башкармалыгынын ыкчам кызматкери кармалды. Бул тууралуу Ички иштер министрлигинин басма сөз кызматы маалымдайт.

Маалыматта белгилүү болгондой, аталган кылмыш иши боюнча 9-ноябрь күнү болжол менен саат 18:30 чамасында Ош облусу жана Ош шаары боюнча Баңгизатын мыйзамсыз жүгүртүүгө каршы күрөшүү башкармалыгынын ыкчам кызматкери, милициянын лейтенанты Э.А. 10 миң сом өлчөмүндө пара алып жаткан жеринен кармалган.

"ИИМдин Ички иликтөө кызматына А.О. аттуу жаран арыз менен кайрылып, 2017-жылдын 28-октябрь күнү Ош облусу жана Ош шаары боюнча ИИМдин Баңгизатын мыйзамсыз жүгүртүүгө каршы күрөшүү башкармалыгынын ыкчам кызматкери Ош шаарындагы Ленин жана Нурматов көчөлөрүнүн кесилишинен арыздануучунун башкаруусундагы Мерседес-Бенц үлгүсүндөгү автоунаасын токтоткон. Андан соң аны Ош облусу жана Ош шаары боюнча БМЖККБнын мекемесинин короосуна автоунаасын киргизип койгон. Автоунаанын ачкычын, күбөлүгүн алып, опузалоо жолу менен 300 доллар акча каражатын талап кылган", - деп жазылат маалыматта.

Аталган фактылар боюнча Ош облусунун прокуратурасы тарабынан Кыргыз Республикасынын Кылмыш-жаза кодексинин 304-берененин 2-бөлүмү (кызматтык абалынан кыянаттык менен пайдалануу) жана 313-берененин 1-бөлүмүнө (опузалап пара талап кылуу) ылайык кылмыш иши козголгон.

"Кармалган милициянын кызматкери Кыргыз Республикасынын УКМКБнын убактылуу кармоочу жайына киргизилген. Азыркы учурда бул кылмыш ишин Ош облусу жана Ош шаары боюнча УКМКсы иликтеп жатат", - деп билдиришти ИИМден.

Автор: Нурсултан Нурболот уулу
Фото: Интернеттен алынган

13:18 10-11-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израиль жаңжалы: Владимир Путин кимди колдойт? 154 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 977 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 860 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1030 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2233 0

19:03 2025-06-20 | Спорт

Вьетнамда кыргыз балбан кызы Азия чемпиону болду 928 0

Архив

Комментарийлер (6)

islamik

2017-11-10 13:23:27

Озу ошол кочодон кобун кармашат. Бир эки жолу алып аа алса боло берет экен деп жакшыле ой мн сураган да байкуш. Жазасын женил кылсын эми жаш экен

-3

asanova1984aida

2017-11-10 14:15:38

Ошентип кустуруш керек алкымы чон адам кейпин кийген чоолорду

futboler

2017-11-10 14:54:58

Мунуңар аз алганы үчүн эле кармалды, көбүрөөк алганда кутулуп кетет эле

nazira...

2017-11-10 15:03:38

Ошо кармагандар оздору эле бирге иштешкен. Неге жаап койгон эмес, атайын кылгандары да оздору эле. 10000 сом эмес доллар алып атышат го.

-1

tttalant

2017-11-10 15:53:18

Бир биринен акча алмайда

tnt_ostrof

2017-11-11 20:13:49

Жон эле иштеп жаткандын белгиси кылбай андай 10000сом пара алгандардан кунуно Бир эле жерден 4 5ти кармаса болот. Карапайым кийинип борбордогу бейтапканаларга оорумуш болуп барып корчу. Даана корупция ошол жакта. Акчан жок болсо каридордо жатып калышын да кеп эмес. Акча акча акча... Бул заманда олгонго деле шарт керек.

Комментарий калтыруу үчүн өз ысымыңыз менен кириңиз же каттоодон өтүңүз.