Аида Салянова: "Инимди өлтүргөндөр саясий буйрукту аткаргандар же ири көлөмдөгү акчага буйрутма алгандар"

Бүгүн, 22-ноябрда Жогорку Кеңештин жалпы жыйынында депутат Аида Салянова иниси Улан Саляновдун өлүмү боюнча ички иштер министринин орун басарына жана депутаттарга билдирүү жасады.

"ИИМ телефондук сүйлөшүүлөр, анализдер, видеожазуулар, күбөлөр жок туруп эле "бул иште саясий себеп жок" деп маалымат берди. Райондук милициянын тергөөчүсү мындай маалымат бере алмак эмес. Бул иште көзөмөл кылган бирөө бар жана ал эмнени сүйлөш керек, эмнени айтпаш керектигинен бери баарын өзүнө ылайыктуу агым менен алып бара жатат.

Жеке мага карата акыркы жылда ондогон кылмыш иши козголду. Ондогон адамдар жоопкерчиликке тартылды. Тергөөнүн объективдүүлүгү үчүн бул версияны да карап чыкса болмок.

Спорттук дене түзүлүштөгү куралданган балдардын тобу окшош спорт кийимдерин, бет кап, кол кап, берц кийип, үйгө кирип барып, эч нерсени түшүндүрбөстөн туруп, максатсыз баалуу буюмдарга ээлик кылбаган адамды мыкаачылык менен өлтүрүшмөк эмес. Жашы жете элек өспүрүмдүн алдында атасына курал колдонушкан. Эгер мындай кылмыштуу топ бар болгон болсо, биз алар тууралуу буга чейин эле укмакпыз. Бул топ атайын бул кылмыш иши үчүн түзүлгөн топ. Мындай кымбат буйрутма саясий буйрук же ири каражатка аткарылмак. Алардын кийген кийимдерине, көтөргөн куралдарына, жүргөн унааларына көңүл бурсаңыздар, мындай топ жок дегенде миллионерлерди карактоого кирмек. Инимди өлтүргөндөр саясий буйрукту аткаргандар же ири көлөмдөгү акчага буйрутма алгандар", - деди билдирүүсүндө Салянова.

Эскерте кетсек, 6-ноябрга караган түнү депутат Аида Салянованын 42 жаштагы иниси Улан Саляновду Бишкекте белгисиз адамдар өз үйүнөн атып кетишкен.

Автор: Мунарбек Жоргомов

13:44 22-11-2017

Жазылуу

РУБРИКАДАГЫ СОҢКУ КАБАРЛАР

23:56 2025-06-20 | Түркүн дүйнө

Иран-Израил жаңжалы: Владимир Путин кимди колдойт? 1393 0

23:01 2025-06-20 | Түркүн дүйнө

Telegram'дын негиздөөчүсү Павел Дуров байлыгын 100дөн ашык баласына бөлүштүрөт 1150 0

22:09 2025-06-20 | Коом жана турмуш

Саламаттык сактоо министри энергетикалык суусундуктарга тыюу салууга каршы. Себеби 1479 0

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 1109 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 1258 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 2602 0

Архив

Комментарийлер (8)

gute

2017-11-22 13:49:15

Салянова туура суйлоптур. Бийликтегилер эчтеке билмексен болуп отурушат. Буйрук кайсы тараптан берилгенин изилдеп чыкпасак дагы белгилуу болуп турат. УКМКнын МВДнын кызматкерлери ушундай иштерди аткарган учун Генерал-Майор лукту алып жатышат

Aza17

2017-11-22 14:09:23

Эми сабыр кылыныз сиз деле убагында саясий буйрукту аткарып жургонсуз.

beka1207

2017-11-22 14:21:06

Таба эмес тобо кылалы,ар башта бир өлүм бар!
Бирок Аида Салянова мындан 3-4жыл мурун эле аябай бийликтин арыгын чаап,саясий заказдар укмуштуудай аткарган!

islamik

2017-11-22 14:29:52

beka1207, 3-4 жыл мурун озу бийликтин буйругун аткарып жургон дейсин анда эмне учун бийлик соттоп жатат же 3жыл мурун президент башка беле

jbolotov

2017-11-22 14:49:16

islamik,Салянова эжекен Текебаевдин командасында болчу.

FIFA17

2017-11-22 16:30:33

islamik,
Бийлике жакпаган бир иш кылып койгонго

beka1207

2017-11-23 00:15:36

islamik,3жыл мурун ушул эле президент болчу)))
Болгону Салянова ал кезде Атамбаевдин командасында болчу

FIFA17

2017-11-22 16:29:07

Салянова, куугунтук кандай болгонун эми башына келип түшүндү окшойт, себеби өзү деле жаллаң оппозицияны куугунтуктап туруп алган болчу).
Байкесинин да ишин жаап салбады беле тиги жаш ойношунун (Камила) өлүмүнө тийешеси жок деп, ошол байкесинин ордунда эгер башка бирөө болгондо заматта таап, камап салмак)

Комментарий калтыруу үчүн өз ысымыңыз менен кириңиз же каттоодон өтүңүз.