Ошто мурда эки жолу соттолгон "ХБКлык Бема" 5 жылга эркинен ажыратылды

Ош шаарында 21 жаштагы келинди бычак менен коркутуп акчасын, уюлдук телефонун жана кийимин алып кетишкен 3 кыз жана 2 балага карата Ош шаардык соту чечим чыгарды.

Маалыматка ылайык, Ош шаардык соту айыпталып жаткандардын экөөнү К.Э. менен А.у.А.ны (ред: айыпталуучулардын бири кыз, бири эркек) 8 жылга 3 жылдык сынак мөөнөтү менен шарттуу түрдө эркинен ажыратып, 110 миң сомдук айып салды.

Ал эми дагы 2 айыпталуучу Д.у.А. менен Т.Н.ны (ред: айыпталуучулардын бири кыз, бири эркек) күнөөлүү деп таап, 4 жылга 2 жыл сынак мөөнөтү менен шарттуу түрдө эркинен ажыратты. Ошондой эле аларга 50 миң сомдук айып салынды.

Мурда "уурулук" менен эки жолу соттолгон Т.Б.ны ("ХБКлык Бема" деген ат менен таанымал) күнөөлүү деп таап, 5 жылга эркинен ажыратты. Анын бөгөт чарасы камактагы бойдон калтырылды. Ош шаардык сотунун өкүмү соттолуучулардын жактоочусу тарабынан апелляциялык түрдө даттанылган жана аталган иш Ош облустук сотто каралат.

Окуянын чоо-жайы:

2018-жылдын 23-декабрь күнү саат 17:30 чамасында Ош шаарынын А.Масалиев көчөсүндө жайгашкан үйлөрдүн биринде жашаган 21 жаштагы келиндин үйүнө 2 бала жана 3 кыз кирип, ага бычак такап коркутушкан. Алар жабырлануучунун үйүнөн 1 жарым миң доллар акчасын, айфон-6 үлгүсүндөгү уюлдук телефонун, 13 миң сомун, 3 жарым миң сомдук күрмөсүн жана башка буюмдарын алып кетишкен. Бул факты боюнча Ош ШИИБи "каракчылык" беренеси менен иш козгоп, шектүүлөр кармалышкан.

Ал эми 5 жылга эркинен ажыратылган Т.Б. аттуу кыздын буга чейин дагы Ош шаарында 11-класста окуган кызды канжалата сабаган видеосу социалдык тармактарга тарап кеткен. Бул факты боюнча Ош ШИИБи "бейбаштык" беренеси менен иш козгогон.

Автор: Айсалкын Качкынбекова

17:34 28-05-2019

Жазылуу

РУБРИКАДАГЫ СОҢКУ КАБАРЛАР

23:45 2025-06-25 | Спорт

"Мен чемпион" спорттук оюндарынын салтанаттуу ачылыш аземи болуп өттү (фото) 259 0

23:39 2025-06-25 | Түркүн дүйнө

АКШда көлгө чагылган түшүп, 20 адам жабыркады 343 0

23:03 2025-06-25 | Кылмыштар, кырсыктар

Өзүн УКМК кызматкери катары тааныштырган. Караколдо алдамчылыкка шектүү адам кармалды 572 0

22:34 2025-06-25 | Коом жана турмуш

26-июнга карата аба ырайы 426 0

21:55 2025-06-25 | Түркүн дүйнө

Трамп Ирандын өкүлдөрү менен качан сүйлөшө турганын айтты 905 0

21:26 2025-06-25 | Коом жана турмуш

Шашылыш билдирүү: Тоолуу райондордо сел жүрүшү мүмкүн 637 0

Архив

Комментарийлер (12)

katerina.li

2019-05-28 18:05:41

Бема деген кызбы же эркекпи т.б.с. к.н.п. дебей эле аты жонун эле жазып койсонор боло,окугуча мээн ооруп кетет. Жашырганда эмне бир байкуш кызды тепкилеп атканын бут дуйно кордуго. Кудай сактасын ушундай кыздардан

Asyl10

2019-05-28 18:55:58

katerina.li, Бема Бермет. Эн окунучтуусу жаш эле кыздардын кылмышкер болгондору. Андан да окунучтуусу булардын арасындагы 3 кыздын ичинен бироосу хиджап оронуп жургон озунчо "момун" кыздын кылыгы. Кудай сактасын мындай кыздардын, уулдардын барынан жогу. А тиги Бема деген "банданын" эн чон рекети, суротто кызыл курткачан жигиттин жанында отурган. Эми ал жактан жакшы болуп чыкмак беле, "кыпкызыл" башкесер болуп чыгат. Кудайым Ыйман берсин жаш-карыга.

katerina.li

2019-05-29 15:50:27

Asyl10,ушу 17 деги кыздан эмне коркушат ХБК деген жердин баары?? Бир кызды тепкилеп атса ,чон эле эркек коркуп журот ко "Бема,Бема,болду"деп. Суйроп нары ыргытса болбойт беле?? Тобооооо. Кайран элим,кайда баратасын??

senchi

2019-05-28 18:10:05

Бемасы Бегимай же Бумайрам, Бубусара,

-1

Defend.

2019-05-28 18:34:34

Кримчөйрөдө Батукаевтен кийин эле Бема турат деп ойлоп калат экенсиң киши. Жаш кызды бир ММК фамилясын айттыбы?

Sabette

2019-05-28 18:43:40

Туура кылат кылмышына жараша жазасын алсын бирок Бир мамлекетти коркутуп миңдеген адамдардын мигрант болуп башка жерде бироонун туалетин жууп калышына себепкер болгон адамдар эркиндикте жургону окундурот!

Asyl10

2019-05-28 18:59:49

Негизи илгери уурулардын манжалары же колдору кесилчу.Ошондо туура эле кылышкан экен.Оздору кылбайт, кылган адамды коро албай тоношот буга окшогон шумшуктор. Мээнет кылып, кара тер тогуп же баш иштетип отурбай эле, коркутуп,рекеттик кылып акча тапкан оной буга окшогондорго.Кайран ата-энелеринин журогун эзип бутушкондур акмактар.

Aiman0303

2019-05-28 19:40:42

Туура айтасын, колун кессе туура болот эле, ошондой закон кабыл алса жакшы болмок. Эми буларды камап кайра эле мамлекет озуно зыйян алып келип жатпайбы, ошол жактан онолуп кетсего соз жок, тетирисинче эки уч эсе зоокур болуп чыгатда.

Avrora2017

2019-05-28 19:50:27

Кара жерге кирип кеткиле шумшуйгон турунор менен, ушулардан эми эмне адам чыгат, жогоруда жазгандарга кошулам, булар турмодон онолуп чыкмак беле, ого бетер карышкыр болуп чыкса дагы зыян келтирер конгон адат калмак беле

Shabi

2019-05-28 22:44:18

Бироо хиджап кийип алганбы.же калп айттымбы,туурамес коруп

katerina.li

2019-05-29 09:55:16

Shabi,адашпай эле кийип отурат. Хиджап кийгендердин баары эле ыймандуу бекен. Мода кылып кийгендер толтура

Aktilek.kg.98

2019-05-28 23:19:57

Тураа соттолсун!

Комментарий калтыруу үчүн өз ысымыңыз менен кириңиз же каттоодон өтүңүз.