Бишкекте карыяны сүзүп, окуя болгон жерден качып кеткен айдоочу кармалды

Милициянын кайгуул кызматы Бишкекте карыяны сүзүп, окуя болгон жерден качып кеткен айдоочуну кармады. Бул тууралуу аталган кызматтан билдиришти.

Маалыматка ылайык, 16-ноябрь күнү саат 17:00 чамасында белгисиз айдоочу Киев-Шевченко көчөсүндө жөө адамдар өтүүчү өтмөктөн адамды сүзүп, белгисиз тарапка качып кеткен. Жабырлануучу 88 жаштагы А.З. аттуу киши ооруканага жеткирилген.

"Ыкчам иликтөө тобу шектүү айдоочуну кармаган. Ал Хонда-Фит унаасын башкарган 1974-жылы туулган С.О. аттуу жаран болгон. Учурда бул факты Кылмыштардын жана жоруктардын бирдиктүү реестрине катталып, териштирүү иштери башталды", - деп жазылат маалыматта.

Автор: Айсалкын Качкынбекова