Бүгүн, 29-июнда тоолуу райондордо күн күркүрөп, жамгыр жаайт. Батыштан соккон шамалдын ылдамдыгы секундасына 4-9 метр, айрым аймактарда 15-20 метрге чейин жетет. Бул тууралуу Кыргызгидрометтен билдиришти.Абанын температурасы Чүй облусунда +31...+36, Талас жергесинде +29...+34, Ош, Жалал-Абад жана Баткен облустарында +31...+36, Ысык-Көл аймагында +21...+26, Нарын өрөөнүндө +24...+29 градус ысык болот.
Ал эми Бишкекте +33…+35, Ош шаарында +31...+33 градуска көтөрүлөт.
