"Кыргызстан - кыска метраждуу тасмалардын өлкөсү" кинофестивалында жеңишке талапкер 15 тасма тандалды

“Кыргызстан – кыска метраждуу тасмалардын өлкөсү” улуттук кинофестивалынын башкы сыйлыгына тасмаларды тандоо аяктады. Уюштуруучулар финалга 50 тасмадан 15 талапкерди калтырышты. Айта кетсек, фестивалдын талабы боюнча, тасмалар илимий-популярдуу, автобиографиялык жана коммерциялык мүнөзгө ээ болбошу керек. Финалчылар: "Туткун” (режиссёру Алмаз Зарылбек уулу), “Зардалы” (Абдулалим Мамадалиев), “Сары-Ой” (Адилет Каржоев), “Нибируга саякат” (Нурлан Абдыкадыров), “Хоккей” (Нурбек Болотов), “Таң” (Нурлан Асанбеков), “Куурчактын төрөлүшү" (Чыңгыз Нарынов), “Тынчтык” (Наргиза Маматкулова), “Саксофон жана кыз” (Андаш Назаркулов), “Соолуган карек”, Сүйүн Откеев, “Көрөңгө”, Байсал Айманбет уулу, “Моисей: ичинде деңиз” (Эмил Атагелдиев), “Чайка” (Елизавета Стишова), “Сүрөттөгү сезим” (Жылдызбек Разакулов) жана “Сүрөтчү жана жүгөрү” (Санжар Абдыжапаров).