Президент Алмазбек Атамбаев мүмкүнчүлүгү чектелген балдарга материалдык колдоо көрсөттү
2012-жылдын 3-декабрында Кыргыз Республикасынын Президенти Алмазбек Атамбаев майып балдарды колдоо максатында 636 000 сом бөлүү тууралуу буйрукка кол койду. Билим берүү фондунан бөлүнгөн каражаттар Майып балдардын ата-энелеринин ассоциациясынын алдындагы Ден соолугу жагынан көптөгөн жана оор залалдары бар балдарды өнүктүрүү жана окутуу борборунун реабилитациялык бөлмөсү үчүн атайын жабдууларды сатып алууга жумшалат. Бул тууралуу Президенттик аппараттын маалыматтык-саясат бөлүмү кабарлайт.