Нарын. Облустун бардык аймактарында күзөт көзөмөлдөрү иштейт

Нарын облусунун бардык жерлеринде күзөт көзөмөлдөр иштейт, бирок учурда бул кызматка кайрылгандардын саны өтө эле аз. Буга себеп, биринчиден, түшүндүрүү иштеринин жетишсиздиги болсо, экинчиден, күзөт көзөмөлү тууралуу маалыматтын жетишсиздиги. Аталган кызмат зордук-зомбулукка, каракчылыкка кабылган жарандардын арызын карап, аларга тиешелүү чара көрөт. Бул багыттагы иштер аймактык милиция кызматкерлери менен бирге ишке ашат. Ошону менен бирге бейөкмөт уюмдар, коомдук алдын алуу борбору дагы бул бөлүм менен биргеликте иш алып баруулары шарт. Күзөт көзөмөлүнүн кызматынан 112 номерине байланышып пайдаланууга болот.

Автор: Гүлжан Асанкожоева