Орусиянын Коопсуздук кеңешинин катчысы Кыргызстанда төңкөрүш болуп кетүү коркунучу бар деп эсептейт

“КМШнын аймагында “жоогазын төңкөрүштөрүнүн” болуп кетүүсү мүмкүн жана бул Орусия үчүн коркунуч туудурат”. Мындай пикирди кечээ Орусиянын Коопсуздук кеңешинин катчысы Николай Патрушев орусиялык маалымат-агенттиктеринин бирине билдирди. “Кыргызстанда, Тажикстанда жана Украинада окуялар өнүгүп-өсүп турат. Мындай абал бизге коркунуч туудурабы? Ооба, туудурат”,- деп айтты ал Орусиянын президенти Владимир Путиндин ишенимдүү өкүлдөрү менен болгон жолугушууда. Н.Патрушевдин айтымында, мындай маселеге жакын арада Орусия өзгөчө көңүл бурат.

Автор: Базарбек Абдураимов