Педофилдерди бычып салуу боюнча мыйзам долбоору коомдук талкууга коюлду

Жогорку Кеңештин депутаты Улан Бакасов педофилдерге хирургиялык кастрацияны киргизүүнү сунуштоодо. Тиешелүү мыйзам долбоору Жогорку Кеңештин сайтына коомдук талкууга коюлду.

Автор педофилдер өлүм жазасына татыктуу экендигин, бирок өлкөнүн баш мыйзамында өлүм жазасына тыюу салынганын жана Конституцияга тиешелүү түзөтүүлөрдү киргизүү бир топко созулгандыктан бүгүнкү күндөгү тез арада чара көрүүнү талап кылган көйгөйлөрдү чечүү үчүн 18 жашка чыга элек балдардын жыныстык кол тийбестигине каршы жасалган кылмыштарга жоопкерчиликти күчөтүү максатында мыйзам долбоору иштелип чыккандыгын билдирет. Ошондой эле расмий статистика чындыкты толук чагылдырбай турганын жана мындай кылмыштардын санынын олуттуу өсүшү чечкиндүү чараларды көрүп, зордукчуларга жазаны катаалдаштырууну талап кылаарын белгилейт.

Ал атайын дарыларды берүү, ийне саюу аркылуу жасалган химиялык кастрация натыйжасыз жана бюджетке да зыян келтирет деп эсептейт. Андыктан педофилдерди хирургиялык жол менен бычып салууну сунуштаган. Ошондой эле хирургиялык кастрация психикалык жактан оорулуу адамдарга колдонулбай тургандыгын, эксперттик комиссия акыл-эси жайында эмес деген корутунду чыгарып берген жарандар эки жылга чейинки мөөнөткө эркиндигинен ажыратыларын кошумчалаган.

Учурдагы мыйзамдарда 14 жашка чыга элек баланы зордуктоо жана сексуалдык зомбулук үчүн 15 жылга эркинен ажыратуу же өмүр бою эркинен ажыратуу каралган. Эл өкүлү бул мөөнөттү 20 жылга чейин көбөйтүүнү же өмүр бою эркинен ажыратууну сунуштоодо.

Автор: Бек Оморбеков
Фото: Иллюстрациялык сүрөт

12:47 09-09-2022

Жазылуу

РУБРИКАДАГЫ СОҢКУ КАБАРЛАР

13:47 2025-07-18 | Кылмыштар, кырсыктар

Өзгөн районунун салык кызматынын башчысы кармалды (видео) 164 0

13:44 2025-07-18 | Коом жана турмуш

Оштогу “Т” жолунун төрт тилкелүү жол куруу иштери башталды 130 0

13:38 2025-07-18 | Бизнес-Инфо

MMarket эми бүт Кыргызстанда — сатып алуу эми мурдагыдан да оңой жана ыңгайлуу! 64 0

13:30 2025-07-18 | Коом жана турмуш

Бишкектеги сейил бак толук жарыктандырылды 146 0

12:47 2025-07-18 | Коом жана турмуш

Баткенде прокуратуранын жаңы имараты курулуп баштады 135 0

12:15 2025-07-18 | Супер-Инфо

А витамини – көз менен теринин саламаттыгы 151 0

Архив

Комментарийлер (5)

Ozgocho111

2022-09-09 12:58:00

бычып салса эле тынып калышат беле, баары бир ан сезими бузулган адам катары коомго зыяны тийет, коркунучтуу

Kyrghyzkyzy

2022-09-09 13:33:00

Анда да чекеден жинди болуп чыга калышат,жоопкерчиликтен кутулуш учун.

Toxa76

2022-09-09 16:38:00

Жиндисин дагы чогуу бычыш керек.Ал ишти соо адам кылбайт.

mira28

2022-09-09 17:50:00

Анда да жолун табышат,пулдуунун баарына жинди деген докумен сатышат да жабылат баары.Олум жазасы киргизилсин.

Nursul

2022-09-11 21:13:00

Өлүм жазасы деген мыйзам болбойт андай болсо баягыл эле карапайым элдин баласы подстава болуп эле өлүп кете бериши мүмкүн. А бул бычып салуу мыйзамы деле чеке жылытарлык эмес анда да акчалуулар акча берип акыл ээси жайында эмес деген справкасын алып албайбы.

Комментарий калтыруу үчүн өз ысымыңыз менен кириңиз же каттоодон өтүңүз.