Өлкөнүн түштүгүнө авиакаттамдар штаттык режимде аткарылууда

Өлкөнүн түштүгүнө авиакаттамдар штаттык режимде аткарылууда. Бул тууралуу "Манас" эл аралык аэропортунун басма сөз кызматы билдирет.

"Ош, Жалал-Абад жана Раззаков шаарларына бардык каттамдар штаттык режимде аткарылууда", - деп айтылат маалыматта.

Белгиленгендей, каттамдарды "Тез Жет" авиакомпаниясы аткарууда.

Бишкек-Раззаков-Бишкек багыты боюнча аба каттамдар жумасына 2 жолу – шейшемби жана ишемби күндөрү.
Бишкек-Жалал-Абад-Бишкек багыты боюнча аба каттамдар жумасына 9 жолу.
Бишкек-Ош-Бишкек багыты боюнча аба каттамдар күнүнө 5-6 жолу аткарылууда.

Ошондой эле Бишкек-Ош-Бишкек багыты боюнча авиакаттамдар "АвиаТраффик" авиакомпаниясы аркылуу күнүнө бир жолудан жана "Aэрономад" авиакомпаниясы тарабынан жумасына эки жолудан шейшемби жана ишемби күндөрү аткарылууда.

Автор: Максуда Кудайбердиева