Баткенде убактылуу жабылган жолдор унаа кыймылы үчүн ачылды

Бүгүн, 19-сентябрда Тажикстандын куралдуу кол салуусунан улам убактылуу жабылган унаа жолдору кайрадан ачылды. Бул туурасында "Кыргызавтожол" ишканасынан маалымдалды.

Маалыматта айтылгандай, Транспорт жана коммуникациялар министрлигине караштуу «Кыргызавтожол» мамлекеттик ишканасынын №2 жол чарба департаментинин Баткен райондук №7 башкармалыгынын жана №2 жол эксплуатациялоо башкармалыгынын өкүлдөрү Тажикстандын аскерлери жардырган Көк-Таш - Ак-Сай жолундагы 36 метрлик көпүрөгө жөнөп кетишти. Алар көпүрөнү кайра калыбына келтирүү маселесин жеринде талкуулашат.

Транспорт жана коммуникациялар министрлигинин Баткен облустук башкармалыгынын өкүлдөрү Лейлек районунун тургундарын эвакуациялоого көмөк көрсөтүшкөн.

Автор: Сезим Жумагулова