Тажикстандын кол салуусунан жабыркаган балдар Бишкек шаарында дарыланууда

Тажикстандын куралдуу кол салуусунан улам жабыркаган балдар Бишкек шаарында дарыланууда. Алардын акыбалынан борбор калаанын 4 районунун акимдери кабар алышты. Бул тууралуу шаар мэриясынан кабарлашты.

Билдирүүдө айтылгандай, Балдар ортопедиясы бөлүмүнүн башчысы Мирбек Эмилбеков Эне жана баланы коргоо улуттук борборунда дарыланып, психологиялык жардам алып жаткан 7 баланын абалына токтолду.

Район жетекчилери балдардын ар бири менен, ошондой эле ата-энелери менен баарлашып, алардын тезирээк сакайып кетишин каалап, дарыгерлерден балдарга өзгөчө көңүл бурууну өтүнүштү.

Автор: Сезим Жумагулова
Фото: Бишкек шаардык мэриясы