Касымалы Баялинов атындагы китепканага лифт орнотулду (фото)

Бишкектеги Касымалы Баялинов атындагы республикалык балдар жана жаштар китепканасына лифт орнотулду. Бул тууралуу бүгүн, 24-апрелде АКШнын Кыргызстандагы элчилигинен билдирди.

Маалым болгондой, лифт АКШ элчилиги жана Маданият, маалымат, спорт жана жаштар саясаты министрлиги тарабынан майыптыгы бар адамдар үчүн орнотулган.

"Мындай лифт Кыргызстандагы мамлекеттик мекемеде алгачкы жолу орнотулуп жатат. Демек, ар бир адам физикалык мүмкүнчүлүктөрүнө карабай китепкана сунуштаган бардык нерсени окуп үйрөнө алат", - деп айтылат андагы маалыматта.