Орусиянын футбол боюнча курама командасы рекорд коюп, тарыхын жазды

Футбол боюнча Орусия улуттук курама командасы Волгоградда өткөн жолдоштук беттеште Сирия курамасын ишенимдүү түрдө 4:0 эсебинде утуп алды.

Бул жеңиш менен Валерий Карпиндин командасы катары менен алты беттеште жеңишке жеттип, голдук айырмачылыгы 34:0 болду.

Белгилей кетсек, бул серия улуттук курама үчүн рекорд болуп саналат. Буга чейин мындай кургак серия Орусия курама командасынын, СССРдин же Орусия империясынын тарыхында болгон эмес.

Эскерте кетсек, 2022-жылдын февраль айынан тарта Орусиянын бардык курама командалары Украинадагы кырдаалга байланыштуу ФИФА жана УЕФАнын чечими менен эл аралык турнирлерден четтетилген. Мындан улам Орусия өткөн жайда Катарда өткөн дүйнөлүк чемпионатка жана Германияда өткөн Европа чемпионатына катыша алган эмес.

Автор: Азат Бейшенбеков