Депутат Мьянмада кыргызстандыктар кулчулукта болгонун айтты (видео)

Мьянмада Кыргызстандын 7 жараны кулчулукта калды делген маалымат чыгып жатат. Бул тууралуу бүгүн, 14-апрелде Жогорку Кеңештин Социалдык саясат боюнча комитетинин жыйынында депутат Чыңгыз Ажыбаев билдирди.

"Мына, азыр эле социалдык тармактардан окудум. Биздин 7 жаран Мьянмада кулчулукта жүрүптүр", - деген депутат Эмгек, социалдык коргоо жана миграция министрлигинде бул боюнча маалымат барбы деп сурады.

Министрдин орун басары Ализа Солтонбекова маалымат жок экенин айтты.

"Ушул боюнча тез арада териштирүү жүргүзүш керек. Кайсы мамлекетте, кандай жол менен барды булар? 7 жаран кулчулукта жүрдү деген бул жакшы көрүнүш эмес го. Кыска мөөнөттө мага кагаз жүзүндө жооп бериңиздер", - деди депутат.