Израилдин Иранга урган соккусунан улам каза болгондордун саны айтылды

Израилдин Иранга жасаган соккусунан каза болгондордун саны 5ке жетип, дагы 20 киши жарадар болду.

Чет элдик ЖМКлардын маалыматы боюнча, каза болгондордун катарын Ирандагы тасирдүү генералдардын бири Хоссейн Салами менен Ислам Азад университетинин президенти Мохаммад Тегеранчин толуктайт.

Учурда Израиль Тебриз шаарында жайгашкан Ирандын мунай иштетүүчү заводун ракеталар менен аткылап жаткандыгы маалыматта кошумчаланды.

Белгилей кетсек, буга чейин Израиль Иранга каршы аскердик операциясын баштаганын жарыялады.

Автор: Замира Ниязбекова