Ысык-Көл облусунун жол кыймылын тескөөчүлөрү эс алууга келүүчүлөрдү коопсуздукту сактоого чакырат

Ысык-Көл облустук Жол кыймылынын коопсуздугун камсыздоо башкармалыгы жол кырсыктарынын алдын алуу жана болтурбоо максатында облус аймагынан өткөн туристтер үчүн эскертме буклеттерин таратууда.

Маалым болгондой, жайкы туристтик мезгилге карата Ысык-Көлгө эс алууга келген меймандардын, анын ичинен чет элден келген туристтердин жол коопсуздугун камсыздоо, алардын жолдо тоскоолдуксуз жүрүүсүн камсыздоо максатындагы иш-чаралар күчөтүүлүдө.

Аталган башкармалык тургундарды, конокторду жана эс алууга келүүчү туристтерди жол кыймылынын эрежесин так сактоого чакырат.