Жеке менчикке мыйзамсыз берилген жер тилкеси мамлекетке кайтарылды

"Кызыл-Бел автожол" көзөмөл-өткөрүү пунктуна жакын жайгашкан жалпы аянты 8,05 гектар жер тилкеси мамлекетке кайтарылды. Бул тууралуу Улуттук коопсуздук мамлекеттик комитети билдирди.

Тактап айтканда, 1988-жылы "Агроөнөржайэнерго" ишканасына айыл чарба муктаждыктары үчүн 10 гектар жер бөлүнгөн. Андан кийин, 1996-жылы ишкана "Баткенайылэнерго" ишканасы болуп кайра түзүлүп, мүлктүк комплекстин жана жер тилкесинин наркы 267 556 сом болуп бекитилген. 2009-жылдан 2022-жылга чейин аталган жер тилкеси "Баткенайылэнерго" ишканасынын директору тарабынан мыйзамсыз менчиктештирилип, коммерциялык багытка трансформацияланган.

Текшерүү процессинде менчик ээлери ыктыярдуу негизде жер аянтын мамлекеттин балансына өткөрүп беришти.

Автор: Айсулуу Урустамова