Катар Ирандын чабуулунан кийин БУУга кат жолдоду

Катар Бириккен улуттар уюмуна кат жолдоп, Иранды өлкө эгемендүүлүгүн бузду деп айыптады. Бул тууралуу Катардын Тышкы иштер министрлигинин X социалдык түйүндөгү баракчасында жарыяланган билдирүүдө айтылат.

"Катар мамлекети БУУнун б элеашкы катчысы Антонио Гутеррешке, Гайананын БУУдагы туруктуу өкүлү жана БУУнун Коопсуздук кеңешинин төрагасына кат жөнөттү... Катар мамлекети аларга Катардын эгемендигин одоно бузуу жана аймактык тынчтыкка, бүтүндүккө коркунуч келтирген өтө кооптуу эскалация тууралуу кабарлады",- деп айтылат анда.

Билдирүүдө Катар БУУнун Коопсуздук кеңешинин БУУнун уставы боюнча өз милдеттерин аткарышы зарылдыгын баса белгилейт.

Буга чейин Ирандын тышкы иштер министри Аббас Аракчи Катар өкмөт башчысы жана тышкы иштер министри Мухаммед бин Абдуррахман аль-Ансари менен телефон аркылуу сүйлөшүүсүндө АКШ базасына жасалган чабуул Катарга каршы багытталбаганын билдирген.

Эске салсак, Иран АКШнын соккусуна жооп иретинде АКШнын Катар жана Ирактагы аскер базаларына сокку урган.

Автор: Кылымбек Бейшеев
Фото: Интернеттен алынды