Агартуу министрлиги электр энергиясын үнөмдөө боюнча чаралар киргизилгенин билдирди.
Министрлик белгилегендей, билим берүү уюмдарында сабактар бүткөн соң 60 мүнөттөн кечиктирилбестен электр жарыктары өчүрүлүшү керек. Берилген 1 сааттын ичинде билим берүү уюмдарында тазалоо иштери жүргүзүлүүгө тийиш.
Бирок бул чектөө имараттардын иштешин жана сакталышын камсыз кылган инженердик системдер менен жабдуулар үчүн колдонулбайт.