Ооганстандын Тышкы иштер министринин орун басары Джавет Лудин Кабул шаарына Кыргызстандын элчилигин ачууну сунуштады

Бишкекте 22-январь күнү Ооганстандын менен Кыргызстандын Тышкы иштер министринин орун басарлары Самаргүл Адамкулова жана Джавет Лудин жолугушту. Бул тууралуу 23-январда КРнын Тышкы иштер министрлигинин басма сөз кызматы билдирди. Ооганстандан келген делегациясынын атынан Джавет Лудин “2013-жылы Кыргызстан Кабул шаарында өзүнүн элчилигин ачса, эки өлкөнүн байланышы үчүн жакшы шарт түзүлмөк. Ошондой эле Кыргызстандын Тышкы иштер министри Эрлан Абдылдаев өзү каалаган учурда делегациясы менен Кабулга атайын иш сапары менен келсе болот”,- деп билдирди.