Алмазбек Атамбаев бүгүн ата-энесиз жана кароосуз калган балдардын жатак-мектебинин ачылышына катышат

Бүгүн, 3-октябрда Бишкектин Октябрь районунда президент Алмазбек Атамбаевдин катышуусунда Тоголок Молдо атындагы №71-жалпы орто билим берүчү жатак-мектебинин ачылыш аземи болот. 1990-жылдан бери бул мекеме №71-жалпы орто билим берүүчү мектеп болгон. Бишкек шаардык кеңешинин 2014-жылдын 18-февралындагы токтому менен бул окуу жай жетим жана ата-эненин камкордугусуз калган балдар тарбиялана турган жай болуп өзгөртүлгөн. Учурда аталган интернатта 556 бала окуйт, алардын 142си жетимдер.

Окуу жайдын капиталдык оңдоо иштерине Түркия 700 миң доллар бөлгөн. Жатак-мектептин ачылышы кароосуз калган балдарды колдоо максатында Алмазбек Атамбаевдин демилгеси менен ишке ашырылган.

Автор: Нургазы Аматов
Фото: Нургазы Аматов