Мелис Турганбаев: "Укук коргоо тармагын реформалоо үчүн коомдук-саясий туруктуулук абдан маанилүү"

Вице-премьер-министр Абдырахман Маматалиев бүгүн, 9-декабрда өкмөттүн алдындагы Укук коргоо системин реформалоо боюнча кеңештин кезектеги жыйынын өткөрдү. Вице-премьер коомдук тартипти камсыз кылуу жана кылмыштуулук менен күрөшүү жаатында бир катар чаралар кабыл алынганын билдирди. "Ички иштер органдарын реформалоонун негизги максаты - укук коргоо менен коомдук коопсуздукту камсыздоо боюнча эффективдүү системди түзүү",- деди өкмөт өкүлү.

Ички иштер министри Мелис Турганбаев тармакты реформалоонун алкагында ички кызматтардын штатын кыскартуу чечими кабыл алынганын билдирди. "Укук коргоо системин реформалоо туруктуулукка муктаж, баарынан мурда коомдук-саясий туруктуулук маанилүү",- деген министр тармакта жасалып жаткан иштер тууралуу кенен маалымат берди.

Жыйынтыгында жарандык коомдун жана эл аралык институттардын катышуусу менен укук коргоо органдарын реформалоону тезедетүү зарылдыгы белгиленди.

Автор: Автандил Добулбеков