Саруулуктар Караколдо тополоңдо кармалгандарды бошотуу боюнча мунапыс берүүнү сунуш кылышты

Саруулуктар “Караколдо баш аламандык уюштурушкан” деп айыпталып жаткандар боюнча мунапыс берүүнү сунуш кылышууда. Мындай демилгени саруулуктар бүгүн, 19-февралда Бишкекте өткөргөн жыйынында көтөрүп чыгышты.

Жыйынга “Кырк чоро”, “Асаба” коомдук бирикмелеринин мүчөлөрү да катышты. Чогулгандар “абакта кармалып жаткандар чыгарылышы керек, алар жөнөкөй жарандар, окуяга күнөөлүү эмес” деген пикирде. Сунушталган документте 2013-жылдын декабрь айында Каракол шаарындагы окуяга катышкандарды кылмыш жоопкерчилигинен бошотуу каралган.

Эске салсак, 2013-жылдын 7-октябрында Караколдо “Кумтөр” боюнча меморандумга каршы акция уюштурулган. Анда митингдин катышуучулары өкмөттүн Ысык-Көл облусундагы өкүлү Эмилбек Каптагаевди бир нече саатка унаада барымтада кармап, андан соң облустук администрацияны курчоого аракеттенишкен. Бул окуяларга тийиштиги бар делинип Жети-Өгүз районунун бир канча тургуну кармалып, аларга карата кылмыш иши козголгон. Алардын 5и түрмөдө жатса, 12си тергөө иштеринин айланасында суракка алынууда.

Автор: Жамалидин Парманкулов

13:57 19-02-2015

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 314 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 339 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 298 0

22:26 2025-06-26 | Коом жана турмуш

27-июнга карата аба ырайы 395 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1835 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1443 0

Архив

Комментарийлер (2)

marik10

2015-02-22 13:54:01

кылмышкерлер жоопкерчиликтен качпаш керек, макул уюштуруучулар качып кетишти, бирок аткаруучулар дагы барда, алар кармалды эми мыйзамга жараша чечим кабыл алыныш керек

bakyt_2015

2015-02-22 16:10:24

Жонокой жарандар болсо ошол убакта ойлонбойбу эмне кылып атам деп фас деген жакка эле кете бербей. Элдин тынчын алгандарды жазалаш керек мыйзам чегинде,болбосо ким кааласа эле ызы чуу которуп,жол тосуп аткан кантип болсун.Башка эл тиричилик кылабы деги.

Комментарий калтыруу үчүн өз ысымыңыз менен кириңиз же каттоодон өтүңүз.