15-апрелде КРнын Куралдуу күчтөрүнүн Башкы штабынын башчысы Асанбек Алымкожоев Улуу Жеңиштин 70 жылдыгына арналып өткөрүлүүчү аскердик парадга даярдалып жаткан аскер техникаларын текшерүү үчүн 52806-аскер бөлүгүндө болду. Анда ал техникалардын абалын карады жана айдоочулардын, айдоочу-механиктердин даярдыгына, авто жана сооттолгон техникалардын кыймылындагы коопсуздук чараларына өзгөчө көңүл бурду.
Аталган штабдан кабарлашкандай, 9-майда Бишкек шаарындагы "Жеңиш" аянтында парадга катышуучу техникалар Токмок шаарына топтолгон. Ал жерде аскер техникалары менен куралдарын тейлөө боюнча пландуу негиздеги регламенттик иштер жүргүзүлмөк.