Бишкекте Жеңил өнөр жай кызматкерлеринин күнүнө арналган жарманке өтөт

11-15-июнь күндөрү Бишкектеги Кожомкул атындагы Спорт Ордосунда Жеңил өнөр жай кызматкерлеринин күнүнө жана Жеңил өнөр жай ишканалар ассоциациясынын 10 жылдык мааракесине арналган көргөзмө-жарманке өтөт. Бул тууралуу бүгүн, 1-июнда уюмдун басма сөз кызматынан билдиришти.

Маалым болгондой, жарманке аталган ассоциация жана Энергетика жана өнөр жай министрлигинин демилгеси менен уюштурулууда. Иш-чаранын алкагында катышуучулар үчүн атайын семинарлар, тегерек столдор жана кийим, бут кийимдердин жаңы коллекцияларынын көргөзмөсү болот. Ошондой эле "Fashion industry" аталыштагы дизайнерлердин сынагы өткөрүлөт.

Автор: Наргиза Бекжанова
Фото: Интернеттен алынды